- वि.सं २०८१ बैशाख ८ शनिबार
सोलुखुम्बुमा आगलागी हुँदा एक घर जलेर नष्ट भएको छ । जिल्लाको सोताङ गाउँपालिका–३ खाउसेमा शनिबार बिहान २ बजे स्थानीय कुविरधन राईको ढुंगा र माटोले बनेको दुईतले घरमा आगोलागी भएको हो ।
विद्युत सर्ट भएर आगलागी भएको प्रहरीले जनाएको छ । आगलागीबाट पाँच लाख ५० हजार नगदसहित, अन्नपात, लत्ताकपडा, भाडाबर्तन जलेर नष्ट भएको प्रहरी निरीक्षक ऋषिराज ढकालले बताए । उनका अनुसार मानवीय क्षति भने भएको छैन ।
आगलागी भएको सूचना पाउनासाथ इलाका प्रहरी कार्यलय सोताङबाट प्रहरी परिचालन गरिएको थियो । प्रहरी र स्थानीयको सहयोगमा आगो नियन्त्रणमा लिइएको बताइएको छ ।
