- वि.सं २o७८ पौष २ शुक्रबार
सोलुखुम्बुमा टिपर दुर्घटना हुँदा चालकको मृत्यु भएको छ। लिखुपिके गाउँपालिका– ५ टमालमा टिपर दुर्घटना हुँदा मकवानपुरको हेटौँडा नगरपालिका– ११ घर भएका चालक जितबहादुर थिङको घटनास्थलमै मृत्यु भएको हो।
एमडी डगड हाइड्रोपावरको हेड अफिस किन्जाबाट मार्वाे पावरहाउसतर्फ जाँदै गरेको ना.७ख ४५६४ नम्बरको टिपर गएराति करिब ११ बजे दुर्घटना भएको हो। टिपर सडकबाट करिब दुई सय मिटर तल खसेको जिल्ला प्रहरी कार्यालय सोलुखुम्बुले जनाएको छ। घटनाबारे जानकारी पाउनसाथ प्रहरी टोली परिचालन भए पनि शुक्रबार बिहान मात्रै चालकको शव फेला परेको छ।
