टर्निङ प्वाइन्ट्स-२०२२फ्रन्ट पेजमुख्य समाचारसमाचारदृष्टिकोणअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीयस्वास्थ्य र जीवनशैलीसाहित्य१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७८ माघ १४ शुक्रबार
  • Friday, 28 January, 2022
नयाँ पत्रिका काठमाडौं
२०७८ मङ्सिर १२ आइतबार २३:५४:००
Read Time : < 1 मिनेट
मुख्य समाचार डिजिटल संस्करण

घनश्याम भुसाल भन्छन्– अध्यक्षमण्डलले के निर्णय गर्‍यो थाहा छैन, त्यसपछि मात्रै निर्णय गर्छु

Read Time : < 1 मिनेट
नयाँ पत्रिका, काठमाडौं
२०७८ मङ्सिर १२ आइतबार २३:५४:००

एमाले नेता घनश्याम भुसालले निर्वाचन आयोगले कार्यतालिका सार्वजनिक गरेकोबारे आफूलाई थाहा नभएको बताएका छन् । उनले आइतबार अबेर पत्रकारसँग अध्यक्षमण्डलले बन्दसत्रलाई निर्वाचन प्रक्रिया अगाडि बढ्ने जानकारी गराएपछि मात्रै उम्मेदवारी दिने बारेमा टुंगोमा पुग्ने बताए । 

‘प्रेसका धेरै साथीहरूले सोधिरहनुभएको छ । तर, मलाई निर्वाचन आयोगले निर्वाचन कार्यतालिका प्रकाशन गरेकोबारेमा केही जानकारी छैन । किनभने अध्यक्षमण्डलले बन्दसत्रलाई प्रक्रिया कसरी अगाडि बढ्छ भन्ने नै जानकारी गराएको छैन । त्यसैले त्यो जानकारी आएपछि उम्मेदवारीबारे बताउनेछु,’ उनले भने ।

अध्यक्षमण्डलका अध्यक्ष केपी ओलीले पदाधिकारी र केन्द्रीय कमिटी सर्वसम्मत गर्ने गरी भीम रावललाई उपाध्यक्ष र भुसाललाई उपमहासचिव बनाउन खोजेका थिए । तर, रावलले अध्यक्षमण्डलको बैठकमै ओलीको उक्त प्रस्ताव अस्वीकार गरेका छन् । रावलले अध्यक्ष र भुसालले उपाध्यक्षमा उम्मेदवारी दिने बताउँदै आएका छन् । 

निर्वाचन आयोगले निर्वाचन कार्यतालिका प्रकाशन गरेलगत्तै सर्वसम्मत नेतृत्व चयन गर्ने ओलीको योजना तत्कालका लागि विफल भएको छ ।