Skip This
गृहमन्त्री ओमप्रकाश अर्यालले उपलब्ध स्रोतसाधनको अधितकम प्रयोग गरी शान्तिसुरक्षामा खटिन प्रहरीलाई निर्देशन दिएका छन। मंगलबार आन्दोलनकारीले जलाएको काठमाडौं उपत्यका ट्राफिक प्रहरी कार्यालय र प्रहरी वृत्त गौशालाको निरीक्षणपछि उनले विषम परिस्थितिमा शान्तिसुरक्षाको पुनर्स्थापनमा उच्च मनोबलका साथ खटिन भनेका हुन्।
स्रोतसाधनका लागि मन्त्रालयले तत्कालै पहल गर्ने उनको आश्वासन छ।
अहिलेको अवस्थामा फरार कैदीहरूलाई पक्राउ गर्नु प्रहरीको दायित्व भएकाले त्यसमा लाग्न उनको जोड छ। कैदीहरूलाई उपस्थित हुन सूचना जारी गरिने र त्यसभित्र नआएमा पक्राउ अभियान चाल्न उनले निर्देशन दिएका छन्।
सरकारको दायित्व निष्पक्ष र भयरहित चुनाव गराउनु भएकाले त्यसको तयारीमा लाग्न पनि उनले भनेका छन्।
