मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ मङ्सिर २० सोमबार
  • Monday, 06 December, 2021
फाइल फोटो।
२०७८ असोज २८ बिहीबार १८:०२:००
Read Time : < 1 मिनेट
समाचार डिजिटल संस्करण

१९ हजार बढीले गरे पाथीभरा मन्दिरमा पूजापाठ

Read Time : < 1 मिनेट
२०७८ असोज २८ बिहीबार १८:०२:००

ताप्लेजुङको प्रसिद्ध धार्मिकस्थल पाथीभरा मन्दिरमा नवरात्रको समयावधिमा १९ हजारभन्दा बढी भक्तजनले पूजापाठ गरेका छन्। नवरात्रीको अन्तिम दिन आजसम्म १९ हजार ७५० भक्तजनले पाथीभरा मन्दिरमा पुगेर पूजापाठ गरेको माथिल्लो फेदी प्रहरी चौकीले जनाएको छ।

नेपालका दार्चुला जिल्लादेखि भारतको दार्जिलिङ र सिक्किमसम्मका तीर्थयात्रीले पाथीभरा मन्दिरमा पुगेर पूजापाठ गरेकाे पाथीभरा क्षेत्र विकास समितिका कार्यकारी निर्देशक मनमणि काफ्लेले बताए। नवरात्रको पहिलो दिनदेखि नौ दिनसम्म अर्थात् टीकाको अघिल्लो दिनसम्ममा पाथीभरा मन्दिर क्षेत्रमा तीर्थयात्रीको घुइँचो लाग्ने गरेको छ।

नवरात्रको पहिलो दिन अर्थात् बुधबार २५०,बिहीबार ८२५, शुक्रबार एक हजार ६५५, शनिबार छ हजार २५, आइतबार एक हजार १९५, सोमबार दुई हजार, मंगलबार दुई हजार दुई सय र आज एक हजार एक सय तीर्थयात्रीले पाथीभरा मन्दिर क्षेत्रमा पुगेर पूजापाठ गरेको माथिल्लो फेदी प्रहरी चौकीका प्रहरी इन्चार्ज लोकबहादुर थापाले जानकारी दिए।

कोरोनाको कारणले नौ महिना पाथीभरा मन्दिरमा पूजापाठ बन्द भएको थियो। तर, गत महिनादेखि मात्र पाथीभरा क्षेत्र विकास समितिले मन्दिर खुला गरेको हो। पाथीभरा दर्शन गर्न खुला भएसँगै तीर्थयात्रीहरूको चहलपहल बढ्न थालेको छ। पाथीभरा मन्दिर क्षेत्रमा तीर्थयात्रीहरूको भिडभाड बढेसँगै यातायाता व्यवसायी, होटल व्यवसायी र तीर्थयात्री, सहयोगीहरू उत्साहित भएका छन्। रासस