- वि.सं २o७८ असोज २५ सोमबार
जिल्ला प्रहरी कार्यालय सुनसरीले यार्सा गुम्बासहित पक्राउ परेका दुईजनालाई सार्वजनिक गरेको छ। पक्राउ परेका खोटाङ रावाबेंसी गाउँपालिका– ४ का २७ वर्षीय समीर गुरुङ र संखुवासभा चैनपुर नगरपालिका– ४ का ३२ वर्षीय श्यामकुमार लिम्बूलाई प्रहरीले आज सोमबार सार्वजनिक गरेको हो।
कार्यालयका प्रहरी नायब उपरीक्षक नरेन्द्रकुमार कार्कीका अनुसार उनीहरू तीन किलो यार्सागुम्बासहित आइतबार इटहरी उपमहानगरपालिका– ६ स्थित जय नेपाल होटेलबाट पक्राउ परेका थिए। गोप्य सूचनाका अधारमा जिप्रकाबाट गएको प्रहरीको टोलीले उनीहरूलाई नियन्त्रणमा लिएको थियो।
