मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकसाहित्यफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ मङ्सिर १७ शुक्रबार
  • Friday, 03 December, 2021
नयाँ पत्रिका काठमाडौं
२०७८ असोज १४ बिहीबार १८:२९:००
Read Time : < 1 मिनेट
मुख्य समाचार डिजिटल संस्करण

प्रचण्ड भन्छन्– धोका दिने केपी ओली, धाेकेबाज भन्ने हामीलाई (भिडियोसहित)

Read Time : < 1 मिनेट
नयाँ पत्रिका, काठमाडौं
२०७८ असोज १४ बिहीबार १८:२९:००

नेकपा माओवादी केन्द्रका अध्यक्ष पुष्पकमल दाहाल प्रचण्डले पार्टी एकता गरेर गल्ती नगरेको बताएका छन् । अखिल क्रान्तिकारीको राष्ट्रिय सम्मेलनमा बोल्दै उनले कम्युनिस्ट आन्दोलनलाई एकताबद्ध गराउन खोज्नु कमजोरी नभएको प्रस्ट्याए । तर, त्यसलाई केपी ओलीले धोका र विश्वासघात गरेको प्रचण्डको आरोप छ । 

‘झुटो कुरालाई पनि सत्य हो कि भन्ने पार्न सक्ने ओलीको क्षमता रहेछ,’ उनले भने, ‘पहिलोपटक उनलाई मैले प्रधानमन्त्री बनाएँ । मैले नगरेको भए उनी त्यो वेला प्रधानमन्त्री हुने थिएनन् । बजेट आएको भोलिपल्ट प्रधानमन्त्री छोड्ने र माओवादीलाई दिने सहमति भयो । उनले मानेनन् । उनलाई गलत्याउनै पर्यो।‘

पहिला सही नगरेर धोका दिए पनि ओलीले एकतापछि सही गरेर धोका दिएको प्रचण्डको भनाइ थियो । ‘धोका दिने उनले धोकेबाज भन्ने हामीलाई,’ प्रचण्डले भने । एमालेका १० भाइले अस्तिसम्म आफूलाई दह्रोसँग उभिनुस् साथ हामी दिन्छौँ भन्ने गरेको स्मरण गर्दै उनले भने, ‘अहिले पार्टी फुटाउन खोज्ने भन्दै छन् ।‘ झुटो बोल्नमा सिपालु कोही नेता छ भने केपी ओली भएको उनले बताए ।

आफूले सोचेजस्तो गरी क्रान्ति पूरा नभए पनि त्याग खेर नभएको प्रचण्डको भनाइ छ। एउटा युगीन परिवर्तन त्यही त्यागका कारण भएको उनले बताए ।
पुस ५ को कदमपछि आफूसँग अब सकिँदै भनेर आत्महत्या गर्ने वा फेरि लड्ने भन्ने दुई विकल्प मात्र देखिएको बताए । ‘फेरि पनि मैले मृत्यु या मुक्तिको ठाउँमा पुगेको महसुस गरे । फेरि लड्ने प्रतिक्रान्तिका विरुद्ध लड्ने प्रतिबद्धता व्यक्त गरियो,’ उनले भने । क्रान्तिकारी ढंगबाट लडेर फेरि पनि विजयी भएको उनले बताए ।