सिजन मिडियाले डा. भोला रिजाललाई लाइफ टाइम अचिभमेन्ट अवार्डद्वारा सम्मान गरेको छ । आफ्नो १३औँ स्थापना दिवस र संविधान दिवसका अवसरमा आयोजित कार्यक्रममा डा. रिजालसहित विभिन्न क्षेत्रका व्यक्तिहरूलाई अवार्ड तथा सम्मान गरेको हो ।
सम्मानित व्यक्तिहरूलाई राष्ट्रिय सभा अध्यक्ष गणेशप्रसाद तिमिल्सिनाले अवार्ड तथा सम्मान वितरण गरेका थिए । सिजन मिडियाका प्रबन्ध निर्देशक प्रदीपराज वन्तले सामाजिक, सांस्कृतिक, शैक्षिक र व्यावसायिक क्षेत्रमा सफल व्यक्तित्वलाई हौसला जगाउन अवार्ड तथा सम्मान गरेको बताए । कार्यक्रममा विभिन्न क्षेत्रमा उत्कृष्ट योगदान गर्ने ३१ जनालाई सम्मान गरिएको थियो ।
