- वि.सं २o७८ भदौ २७ आइतबार
प्रतिबन्धित लागुऔषध ब्राउन सुगरसहित एक व्यक्ति पक्राउ परेका छन् । १५ ग्राम ७०० मिलिग्राम ब्राउन सुगरसहित झापाको भद्रपुर नगरपालिका–८ का २२ वर्षीय सुमन तामाङ पक्राउ परेकाे जिल्ला प्रहरी कार्यालय झापाले जनाएको छ ।
विशेष सूचनाका आधारमा उनलाई आज आइतबार दिउँसो जिल्ला प्रहरी कार्यालय र लागुऔषध नियन्त्रण ब्युरो काँकडभिट्टाको टोलीले पक्राउ गरेको हो । थप कारबाहीका लागि तामाङलाई जिल्ला प्रहरी कार्यालय झापामा राखिएको कार्यालयका प्रवक्ता प्रहरी नायब उपरीक्षक राकेश थापाले जानकारी दिए ।
