- वि.सं २o७८ भदौ २४ बिहीबार
नेपाल र बंगलादेशबीचको मैत्रीपूर्ण महिला फुटबल प्रतियोगितामा नेपाल विजयी भएको छ । दशरथ रंगशालामा बिहीबार भएको खेलमा नेपाल २–१ गोल अन्तरले विजयी भएको हो ।
नेपालका लागि सबिता राना र प्रीति राईले गोल गरेका हुन् । बंगलादेशले एक गोल फर्काएको थियो ।
नेपाली महिला फुटबल टोली २०२२ को एएफसी महिला एसियन कप छनोटको तयारीमा छ । छनोट प्रतियोगितामा सहभागी हुनुअघि नेपालले तयारीस्वरूप बंगलादेशसँग दुईवटा खेल खेल्नेछ । बिहीबार पहिलो खेल भएको थियो ।
