- वि.सं २०७८ माघ १२ बुधबार
महन्थ ठाकुरको नयाँ दल लोकतान्त्रिक समाजवादी पार्टी (लोसपा) दर्ताका लागि १४ जना सांसदले सनाखत गरेका छन्। आज निर्वाचन आयोग पुगेर १४ जना सांसदले महन्थ ठाकुरको लोसपाको पक्षमा हस्ताक्षर गरेको चन्दा चौधरीले बताइन्। यस्तै, पार्टीका १७ जना कार्यकारिणी सदस्यले सनाखत गरेका छन्।
जेलमा रहेका रेशम चौधरीले जेलबाटै कार्यकारिणी सदस्यको रूपमा मञ्जुरीनामा पठाएर महन्थ ठाकुरको पक्षमा सनाखत गरेका छन्। राजनीतिक दल विभाजनसम्बन्धी अध्यादेश जारी भएपछि भदौ २ गते ठाकुरले नयाँ दल दर्ताका लागि निवेदन दिएका थिए। नयाँ अध्यादेशअनुसार दल विभाजनका लागि संसदीय दल वा केन्द्रीय समितिमा २० प्रतिशत पुर्याउनुपर्छ।
