- वि.सं २o७८ श्रावण २२ शुक्रबार
कुमारी बैंक लिमिटेडले उदयपुरको बेलका नगरपालिकामा निर्माणाधीन अवस्थामा रहेको अक्सिजन प्लान्टलाई ३ लाख रुपैयाँ सहयोग गरेको छ । बेलका नगरप्रमुख दुर्गाकुमार थापा र उपप्रमुख राजकुमारी चौधरीलाई बेलका शाखाले चेक हस्तान्तरण गरेको हो ।
विगत ३ वर्षदेखि सेवा सञ्चालन गर्दै आएको बैंकले स्थानीयको दैनिक आर्थिक कारोबार सहजीकरण गर्दै सामाजिक उतरदायित्वअन्तर्गत अक्सिजन प्लान्टलाई आर्थिक सहयोग गरेको बैंकले जनाएको छ ।
बेलका नगरप्रमुख थापाले कुमारी बैंक बेलका शाखालाई धन्यवाद दिँदै आगामी दिनमा समेत सहयोगको अपेक्षा राखेको बताए । बैंकले देशभर १ सय ९४ शाखा, १ सय ६५ एटिएम, १३ एक्सटेन्सन काउन्टर तथा २८ शाखारहित इकाइमार्फत सेवा दिइरहेको जनाएको छ ।
