जनता समाजवादी पार्टीका संघीय परिषद् अध्यक्ष डा. बाबुराम भट्टराईले निवर्तमान प्रधानमन्त्री केपी ओलीको अत्यन्त विध्वंसकारी हर्कत पतन भएको बताएका छन्।
संसद् बैठकपछि सञ्चारकर्मीसँग बोल्दै डा. भट्टराईले ओलीको हर्कतले उनको पतन हुनु स्वाभाविक भएको बताए।
‘ओली सरकार पतनपछि हामी शेरबहादुर देउवाजीको नेतृत्वमा सरकारमा गएका हौँ,’ डा. भट्टराईले भने, ‘यो एकप्रकारको ०६५, ०६६ पछि कांग्रेस, माओवादी र मधेसी दलको टुटेको सहकार्य फेरि जोडिएको छ।’ यो सरकार निर्माण हुनु अहिलेको आवश्यकता रहेकोसमेत उनको भनाइ छ।