- वि.सं २o७८ श्रावण १ शुक्रबार
दैलेखको नारायण नगरपालिका– ११ टाटामाखुमा बन्चरो प्रहार गरी श्रीमतीले श्रीमानको हत्या गरेकी छिन् । ३३ वर्षीया सुशीला मल्लले अन्दाजी ३५ वर्षीय श्रीमान् खगेन्द्र मल्लको बन्चरो प्रहार गरी बिहीबार राति हत्या गरेको जिल्ला प्रहरी कार्यालय दैलेखले जानकारी दिएको छ ।
घरायसी सामान्य विवाद भएको भन्ने प्रारम्भिक अध्ययनले देखाएको र थप अनुसन्धानका श्रीमती मल्ललाई पक्राउ गरिएको जिल्ला प्रहरी कार्यालय दैलेखका इन्स्पेक्टर इन्द्रजित सुनारले जानकारी दिए । मृतकका परिवारबाट जाहेरी आएको र थप अनुसन्धानपछि घटनाको जानकारी प्राप्त हुने प्रहरीले जनाएको छ ।
