- वि.सं २o७८ असार १६ बुधबार
गएरातिदेखि सुरु भएको भारी वर्षाका कारण बागमती र लालबकैया खोलामा पानीको बहाब बढेपछि तटीय क्षेत्रका बासिन्दालाई सतर्क रहन जिल्ला प्रशासन कार्यालय रौतहटले आग्रह गरेको छ ।
रौतहटका प्रमुख जिल्ला अधिकारी इन्द्रदेव यादवले बागमतीको पानीको सतह पाँच सय मिलिभन्दा माथि रहे तटीय क्षेत्रमा खतरा हुने र अहिले बागमतीमा पाँच सय ३० मिलि पानी मापन भएका कारण सतर्क रहन आग्रह गरेको बताए ।
बागमती, लालबकैया, चादीलगायतका खोला तथा नदीमा पानीको सहत बढ्दै जाँदा जिल्लाका दक्षिणी भेगका गाउँहरू डुबानमा पर्ने खतरा बढ्दै गएकाले जिल्ला प्रशासनले सतर्क रहन आग्रह गरेको हो ।
बागमती र लालबकैया खोलामा आउने बाढीका कारण जिल्ला सदरमुकाम गौरलगायतका अन्य नगरपालिका हरेक वर्ष डुबानमा पर्दै आएका छन् ।
