- वि.सं २o७८ असार ११ शुक्रबार
कांग्रेस उपसभापति विमलेन्द्र निधि र पूर्वमहामन्त्री प्रकाशमान सिंह महाराजगन्जस्थित महामन्त्री डा. शशांक कोइरालाको निवासमा पुगेका छन् । निधि, सिंह र कोइरालाबीच पार्टीको आगामी १४औँ महाधिवेशन र समसामयिक राजनीतिक विषयमा छलफल भइरहेको छ ।
भेटमा प्रतिनिधिसभा विघटनको मुद्दामाथिको बहस, महाधिवेशनको तयारी र नेतृत्व फेरबदलका सन्दर्भमा छलफल भइरहेको छ । महाधिवेशनको मिति नजिकिँदै गर्दा कांग्रेसमा नेताहरूले भेटघाट, छलफल र नेतृत्वका लागि आकांक्षा व्यक्त गरिरहेका छन् ।
कांग्रेसका संस्थापक नेताहरू बिपी कोइराला, महेन्द्रनारायण निधि र गणेशमान सिंहका सुपुत्रत्रय निधि, सिंह र कोइराला पनि सभापति पदका आकांक्षी हुन् । महाधिवेशनमा सहकार्य गरेर जाने विषयमा छलफल भइरहेको सचिवालयले जनाएको छ ।
यसअघि उनीहरूले बानेश्वरस्थित निधिको निवासमा छलफल गरेका थिए ।
