- वि.सं २o७८ असार ९ बुधबार
अविरल वर्षाले घरमाथिबाट आएको पहिरोमा घर पुरिँदा रोल्पामा तीनजनाको ज्यान गएको छ ।
गएराति साढे १२ बजेतिर आएको पहिरोमा रोल्पा नगरपालिका– ९ ह्वामाका टीकासिं बुढाको घर पुरिँदा उनकी ८६ वर्षीया आमा करती बुढा, १८ वर्षीया बुहारी सुशीला बुढा र १५ वर्षीया छोरी श्यामकला बुढाको ज्यान गएको हो ।
त्यही घरमा सुतिरहेका टीकासिंसहित अन्य तीनजना भने सकुशल रहेको प्रहरीले जनाएको छ । घटनाबारे थप अनुसन्धान गर्न प्रहरी नायब उपरीक्षक नरेश सुवेदी नेतृत्वको टोली घटनास्थल पुगेको छ ।
