सभामुख अग्निप्रसाद सापकोटाले प्रतिनिधिसभा विघटन भएको अवस्थामा संविधानको मर्म र भावनाअनुसार आफू अघि बढ्ने बताएका छन् । बिहीबार संविधानविद् र कानुनविद्हरूसँगको छलफलमा उनले देश र जनतालाई केन्द्रबिन्दुमा राखेर काम गर्न आफू तयार रहेको बताएका हुन् । 

सभामुख सापकोटाको भनाइ छ, ‘नेपाली जनताले तीन सय ३४ जनालाई सार्वभौम अधिकार सुम्पिएका छन् र संघीय संसद्को नेतृत्वको हैसियतले, प्रतिनिधिसभाको सभामुखको हैसियतले त्यो अधिकार मबाट अभिव्यक्त हुनुपर्छ । आवश्यक पर्दा देश, जनता, संविधान, लोकतन्त्र र नेपाली जनताको अधिकारका लागि जनताले प्रदान गरेको निहित अधिकार फेरि पनि प्रयोग गर्नुपर्छ ।’