- वि.सं २o७८ जेठ ९ आइतबार
कोरोना कहरमा जारी निषेधाज्ञाका कारण रगत संकलनमा समस्या भइरहेको वेला माओवादी (केन्द्र)निकट अखिल (क्रान्तिकारी)ले आइतबार रक्तदान गरेको छ ।
अखिल (क्रान्तिकारी) केन्द्रीय स्वयंसेवक विभागले आइतबार पार्टी कार्यालय पेरिसडाँडामा बिहान ११ बजेदेखि दिउँसो २ बजेसम्म रक्तदान कार्यक्रम राखेको प्रवक्ता जिपी मैनालीले जानकारी दिए । बढ्दो महामारीबीच आवश्यक रगतको आपूर्तिमा कमी हुन नपाओस् भन्ने उद्देश्यले रक्तदान कार्यक्रम राखिएको उनले बताए ।
अखिल क्रान्तिकारीका अध्यक्ष रञ्जित तामाङ, पूर्वअध्यक्ष रमेश मल्ल, उपाध्यक्ष इन्द्र भुसाल, कोषाध्यक्ष केशव रावललगायत २६ नेता तथा कार्यकर्ताले रक्तदान गरेको विभागका संयोजक सञ्जय काल्धनले बताए ।
कोभिड महामारीबीच अखिल क्रान्तिकारीले दुर्लभ शाहीको संयोजकत्वमा ६१ चिकित्सक र स्वास्थ्यकर्मीसहितको हेल्प डेस्क सातवटै प्रदेशमा सञ्चालनमा ल्याएको छ ।
