- वि.सं २o७८ बैशाख ६ सोमबार
लुम्बिनी प्रदेशमा मुख्यमन्त्री शंकर पोखरेलविरुद्ध अविश्वास प्रस्ताव दर्ता भएको छ । कांग्रेस, माओवादी केन्द्र, जसपाका सांसदहरूले प्रदेश सभा सचिवालयमा अविश्वासको प्रस्ताव दर्ता गरेका हुन् ।
नयाँ मुख्यमन्त्रीमा कुलप्रसाद केसीलाई प्रस्ताव गरिएको छ । कांग्रेस संसदीय दलका प्रमुख सचेतक फखरुद्दिन खानका अनुसार ४१ सांसदले हस्ताक्षर गरेको अविश्वासको प्रस्ताव दर्ता गरिएको छ ।
८७ सदस्यीय प्रदेशसभाका दुई सदस्य पदमुक्त भएका छन् । नयाँ सरकार बनाउन ४३ सदस्य चाहिन्छ । एमालेका ४१, कांग्रेसका १९, माओवादी केन्द्रका १७, जसपाका ६ र राष्ट्रिय जनमोर्चाका एक सदस्य छन् ।
यसअघि माओवादी केन्द्रले लुम्बिनी प्रदेशका मुख्यमन्त्री पोखरेल नेतृत्वको सरकारलाई दिएको समर्थन फिर्ता लिएको थियो । समर्थन फिर्तासँगै माओवादीका दुई मन्त्रीले पनि राजीनामा दिएका थिए ।
