- वि.सं २o८१ बैशाख २० बिहीबार
एमाले सांसद लालबाबु पण्डितले बाधा–अवरोध भए सदनलाई जानकारी हुनुपर्ने भन्दै सरकारमाथि मात्र आरोप लगाउन नहुने बताएका छन् । प्रतिनिधिसभाको बिहीबारको बैठकमा पण्डितले एउटा पनि विधेयक पारित नभएकोमा असन्तुष्टि जनाए । नागरिकता विधेयकलगायतका विधेयक रोकिएको भन्दै उनले असन्तुष्टि जनाए ।
‘सरकारले ल्याएका विधेयक काम होइन, सन्धि–सम्झौता अनुमोदन गर्न ल्याउनु काम होइन,’ उनले भने, ‘सरकारको विरोध गर्न मात्र चाहना राख्नेहरू, जबर्जस्ती सरकारलाई हटाएर आफू जान खोज्नेहरूले विरोध गरेका छन् । सदन राम्रोसँग चल्न नसक्नुमा सरकारमाथि मात्र होइन, सभामुखमाथि पनि प्रश्न उठ्छ ।’
उनले सभामुखको विशेष भूमिका हुनुपर्नेमा जोड दिए ।
