आर्थिक वर्ष ०७५/७६ मा बैंक तथा वित्तीय संस्थाहरूमध्ये सबैभन्दा बढी कर्पाेरेट ट्याक्स बुझाउने नबिल बैंकलाई आन्तरिक राजस्व विभागले सम्मान गरेको छ । बैंकले गत वर्ष १ अर्ब ९० करोड रुपैयाँ कर तिरेको थियो ।
विभागले गत मंसिरमा कर दिवसको अवसर पारेर बैंकहरूमध्ये सबैभन्दा बढी कर्पाेरेट ट्याक्स बुझाउने सूचीमा नबिल बैंकलाई राखेको थियो । पछिल्लो १० वर्षमा नबिल बैंकले उच्च कर भुक्तानी गरेको यो पाँचौँपटक हो । बैंकले व्यापार प्रवद्र्धन, रोजगारी सिर्जना र ट्याक्सका रूपमा राज्यको योगदानमा केन्द्रित रहेको छ ।
नबिल बैंकले अहिलेसम्म राज्यलाई १५ अर्ब ६ करोड रुपैया“ कर बुझाएको छ । यो भनेको बैंकको कुल पुँजीको १.५ गुना बढी हो । बैंकले अहिलेसम्म १८ सय ७५ प्रतिशत लाभांश वितरण गरिसकेको छ ।
विप्रेषणतर्फ आइएमई रेमिट
आइएमई रेमिट विप्रेषणतर्फ सबैभन्दा धेरै आयकर तिर्ने कम्पनीका रूपमा सम्मानित भएको छ । बिहीबार आन्तरिक राजस्व विभागले आयोजना गरेको कार्यक्रममा अर्थ मन्त्रालयका राजस्व सचिव रामशरण पुडासैनीले आइएमई ग्रुपका अध्यक्ष चन्द्रप्रसाद ढकाललाई सम्मानपत्र प्रदान गरे ।
यसअघि आइएमईले लगातार तीनपटकसम्म सबैभन्दा धेरै आयकर तिरेर यो सम्मान प्राप्त गरिसकेको छ । रोजगारीका लागि विदेशमा गएका युवाहरूले आर्जन गरेको रेमिट्यान्स बैंकिङ च्यानलमार्फत नेपाल भित्र्याउने उद्देश्यले दुई दशकअघि आइएमई रेमिट्यान्स सञ्चालनमा आएको हो ।
मध्यमवर्गमा कामना सेवा
कामना सेवा विकास बैंक आर्थिक वर्ष ०७५/७६ मा मध्यमस्तरीय उत्कृष्ट करदाताका रूपमा सम्मानित भएको छ । बैंकलाई आव ०७४/७५ मा पनि आन्तरिक राजस्व विभागद्वारा सबैभन्दा बढी आयकर दाखिला गरेबापत सम्मान प्रदान गरिएको थियो ।