- वि.सं २०८१ बैशाख १४ शुक्रबार
धनगढीको एक फर्निचर उद्योगमा आगलागी भएको छ । धनगढी चटकपुरस्थित आलोक मल्टी कन्सर्न प्रालिमा आगलागी भएको हो ।
मध्याह्न १२ बजेबाट सुरु भएको आगलागी अझै पूर्ण नियन्त्रणमा आएको छैन । उद्योगभित्र रहेका फर्निचरका सबै सामान जलेर नष्ट भएका छन् । आगलागी भएको स्थाननजिकै नेपाल आयल निगमको डिपो रहेको छ । आगलागी भएको फर्निचर उद्योगको छेउमै सिपी अस्पताल छ ।
धनगढी उपमहानगरपालिका र अत्तरिया नगरपालिकाको दमकलले आगो निभाउने प्रयास गरिरहेका छन् । आगलागीबाट कति क्षति भयो भन्ने यकिन भएको छैन । ठूलो सोरुम र उद्योगमा आगलागी हुँदा करोडौँ रुपैयाँको क्षति भएको प्रहरीको प्रारम्भिक अनुमान छ । जिल्ला प्रहरी कार्यालयले आगलागी के कति कारणले भयो खुल्न सकेको छैन ।
