तस्करीको काठ नियन्त्रणमा लिन चार राउन्ड गोली फायर

Read Time : < 1 मिनेट

अशोक पहाडी, रौतहट

नयाँ पत्रिका

२o८१ बैशाख २६ बुधबार o९:३७:oo

डिभिजन वन कार्यलयले चिरान काठसहित एउटा पिकअप भ्यानलाई नियन्त्रणमा लिएको छ । गएराति १२ बजेको समयमा रौतहटको बागमती सबडिभिजन कार्यालयअन्तर्गतको वन क्षेत्रबाट तस्करी हुँदै गरेको अवस्थामा बा.१६च २२३३ नम्बरको भ्यान नियन्त्रणमा लिइएको हो ।

सहायक वन अधिकृत अमरदेव यादवको कमान्डमा गएको वन गस्ती टोलीले ४६ थान चिरान काठ बरामद गरेको डिभिजन वन कार्यलय रौतहटका प्रमुख विनोद सिंहले जानकारी दिए । बरामद भएको काठ ५३.८ क्युफिट रहेको सिंहले जानकारी दिए ।

गाडी नियन्त्रणमा लिनका लागि सशस्त्र वन रक्षकले ४ राउन्ड गोलीसमेत चलाउनुपरेको कार्यालय प्रमुख सिंहले जानकारी दिए । काठ तस्करले गाडी नरोकी भगाउन थालेपछि गोली चलाएर गाडी नियन्त्रणमा लिइएको उनको भनाइ छ । तस्कर समूह भने गाडी छाडेर भागेकाे थियाे ।

#तस्करी # काठ # नियन्त्रणमा