मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७८ बैशाख १ बुधबार
  • Wednesday, 14 April, 2021
साेनी राई सोलुखुम्बु
२०७७ माघ ३० शुक्रबार १०:२९:००
Read Time : < 1 मिनेट
समाचार डिजिटल संस्करण

सोलुखुम्बुकाे फोर्चेमा आगलागी, चार करोडबराबरको क्षति

Read Time : < 1 मिनेट
साेनी राई सोलुखुम्बु
२०७७ माघ ३० शुक्रबार १०:२९:००

सोलुखुम्बुको फोर्चेमा आगलागी हुँदा करिब चार करोडबराबरको क्षति भएको छ । जिल्लाको खुम्बु पासाङल्हामु गाउँपालिका– ४ फोर्चेस्थित निमाकर्मा शेर्पाको दुईतले घरमा आगलागी हुँदा तीन करोड ९३ लाख १५ हजारबराबरको क्षति भएको हो । 

बिहीबार दिउँसो २ बजेतिर आगलागी भएको थियो ।  ढुंगामाटो र काठले बनेको दुईतले घर जल्दा अन्नपात, लत्ताकपडा, भाँडावर्तनसहित ३५ तोला सुना, एक सय तोला चाँदी, जिमाला, तामाले बनेको सुनको जलप भएको गुरुमूर्ति तीन थान, लामा पुस्तक १० थान, सात लाख नगद जलेको प्रहरीको मुचुल्कामा उल्लेख छ । आगलागीमा मानवीय क्षति भने भएको छैन । 

प्रहरी चौकी खुम्जुङबाट खटिएका प्रहरी र स्थानीयको संयुक्त प्रयासमा साँझ ७ बजे आगो नियन्त्रणमा लिइएको प्रहरीले जनाएको छ । आगलागीको कारण भने खुल्न सकेको छैन ।