- वि.सं २o७७ माघ २३ शुक्रबार
गायक दिल तामाङ र गायिका निर्मला घिसिङको स्वर रहेको ‘जुवा त खेल्ने–२ (मालिंगो)’ गीतको भिडियो सार्वजनिक भएको छ । सेलो भाकामा आधारित सो गीतको भिडियो शुक्रबार युट्युबमार्पmत रिलिज गरिएको हो ।
गायक तामाङकै शब्द रहेको गीतमा चन्द्रकुमार दोङले संगीत भरेका छन् । पवन सुस्लिङको सम्पादन/छायांकन रहेको भिडियो निर्मलकुमार लामाले निर्देशन गरेका हुन् । भिडियोमा भीमफेदी गाइजका कलाकार निरान्जली लामा र निर्मल तामाङलगायतको रोमान्स छ ।
सोही टिमले करिब अढाइ वर्षअघि तामाङ सेलाे गीत ‘जुवा त खेल्ने’ युट्युबमा रिलिज गरेका थिए । ‘तामाङ सेलो शैलीमा बजारमा आएका गीत सबैको रोजाइमा पर्छ भन्ने विश्वास छ,’ गायक तामाङले भने । गीत/संगीतमा फरक र नौलो शैली रुचाउने गायक तामाङको झन्डै एक दशकअघि आएको ‘म त नेपाली ठिटो, बोली वचन मीठो’ गीतले चर्चा पाएको थियो ।
