- वि.सं २०८१ बैशाख ११ मंगलबार
पृथ्वीजयन्ती एवं राष्ट्रिय एकता दिवस देशभर विभिन्न कार्यक्रम गरी मनाइँदै छ ।
नेपाल एकीकरणको नेतृत्व गरेका तत्कालीन राजा पृथ्वीनारायण शाहको जन्मजयन्तीका दिन राष्ट्रिय एकता दिवस मनाउने गरिन्छ ।
तत्कालीन गोरखा राज्यका राजाका रूपमा रहेका पृथ्वीनारायण शाहले आफ्नाे २० वर्षको उमेरबाट नेपाल एकीकरण थालेका थिए ।
उनले निरन्तर रूपमा आफू ५२ वर्ष भइञ्जेलसम्म ३२ वर्ष अथक तवरले विभिन्न बाइसे–चौबीसे राज्यहरू एकीकरण गरी हालको नेपाल बनाएका थिए ।
राष्ट्रिय एकता दिवसमा नेपाली सेनाले विशेष कार्यक्रम आयोजना गरेको छ । साथै एकीकरणमा प्रयोग गरिएको बाटोलाई एकीकरण रुटका रूपमा विकाससमेत गरिएको छ ।
हाम्रा फोटोग्राफर दीपेन्द्र ढुंगानाले राष्ट्रिय एकताको सन्दर्भमा आयोजित कार्यक्रमहरूलाई तस्बिरमा यसरी कैद गरेका छन् ।
