मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७७ फाल्गुण २१ शुक्रबार
  • Friday, 05 March, 2021
एजेन्सी नयाँ दिल्ली
२०७७ पौष १९ आइतबार १३:४४:००
Read Time : < 1 मिनेट
विश्व

भारतले कोरोना भाइरसविरुद्धको दुईवटा भ्याक्सिनलाई एकैपटक मञ्जुरी दियो

Read Time : < 1 मिनेट
एजेन्सी नयाँ दिल्ली
२०७७ पौष १९ आइतबार १३:४४:००

भारतीय औषधि महानियन्त्रक (डिसिजिआई)ले देशभित्रै बनेको कोरोना भाइरस (कोभिड– १९) विरुद्धको दुईवटा भ्याक्सिनलाई आपतकालीन प्रयोगका लागि मञ्जुरी दिएको छ । एस्ट्राजेनेका–अक्सफोर्ड युनिभर्सिटी र भारतकै एक औषधि उत्पादक कम्पनीले विकास गरेको भ्याक्सिनलाई महानियन्त्रकले अनुमति दिएको हो । 

डिसिजिआईका प्रतिनिधि बिजी सोमानीका अनुसार अक्सफोर्ड–एस्ट्राजेनेका र भारत बायोटेकको भ्याक्सिनलाई मञ्जुरी दिएको छ । एस्ट्राजेनेका सिरम इन्स्टिच्युड अफ इन्डियाले विकास गरेको हो भने भारत बायोटेकद्वारा कोभ्याक्स विकास गरिएको हो । उनले सिडिएससीओेको विशेषज्ञ समूहद्वारा गरिएको सिफारिसको आधारमा दुई भ्याक्सिनलाई आपतकालीन प्रयोग गर्न अनुमति दिएको बताए । यो भ्याक्सिन बिरामीलाई दुई डोज दिनुपर्ने हुन्छ । उनले भ्याक्सिन सतप्रतिशत सुरक्षित रहेको पनि दाबी गरे । उनले भने, ‘भ्याक्सिन लगाएपछि ज्वरो आउने, हल्का दुख्ने र एलर्जीको विषय छ, यो समस्या जुनसुकै भ्याक्सिन लगाउँदा पनि हुन्छ ।’ 

दुईवटा भ्याक्सिनले अनुमति पाएसँगै भारतीय प्रधानमन्त्री नरेन्द्र मोदीले सिरम इन्स्टिच्युट र भारत बायोटेक कम्पनी र सम्पूर्ण देशवासीलाई बधाई दिएका छन् । उनले ट्विटरमार्फत भनेका छन्, ‘डिसिजिआईले भारतको सिरम इन्स्टिच्युट र भारत बायोटेकको भ्याक्सिनलाई हरियो झण्डा देखाएको छ । यसले भारतलाई कोभिडमुक्त देशतर्फ अघि बढ्ने पाइला मिलेको छ । हामी भारतवासी र वैज्ञानिकहरूलाई बधाई ।’