Skip This
नेकपा केन्द्रीय सदस्य ठाकुर गैरेको संयोजकत्वमा लुम्बिनी प्रदेश संघर्ष समिति गठन
१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o७७ पौष १६ बिहीबार
  • Monday, 17 June, 2024
२o७७ पौष १६ बिहीबार २१:३५:oo
Read Time : < 1 मिनेट
ad
ad
ad
ad
प्रदेश डिजिटल संस्करण

नेकपा केन्द्रीय सदस्य ठाकुर गैरेको संयोजकत्वमा लुम्बिनी प्रदेश संघर्ष समिति गठन

Read Time : < 1 मिनेट
नयाँ पत्रिका
२o७७ पौष १६ बिहीबार २१:३५:oo

नेपाल कम्युनिस्ट पार्टी (नेकपा)को लुम्बिनी प्रदेश कमिटीको बैठकले प्रदेशमा संघर्षका कार्यक्रम गर्न संघर्ष समिति गठन गरेको छ । केन्द्रीय सदस्य ठाकुर गैरेको संयोजकत्वमा पाँच सय एक सदस्यीय संघर्ष समिति गठन गरेको पार्टी प्रदेश कमिटीका सचिव जगप्रसाद शर्माले बताए । 

पुष्पकमल दाहाल प्रचण्ड र माधवकुमार नेपाल नेतृत्वको नेकपाको प्रदेश कमिटी बैठकले प्रधानमन्त्री केपी ओलीले गरेको प्रतिनिधिसभा विघटनविरुद्ध प्रदेशभरि संघर्ष गर्ने निणर्य गर्दै समिति गठन गरेको हो । 

स्थायी कमिटी सदस्यहरू युवराज ज्ञवाली, घनश्याम भुसाल, वर्षमान पुनलगायतको उपस्थितिमा भएको बैठकले प्रदेशमा पार्टीका काम व्यवस्थित गर्न राय–सुझाब संकलन गर्ने निर्णयसमेत गरेको छ । प्रदेश कमिटी अध्यक्ष ओनसरी घर्तीको अध्यक्षतामा सम्पन्न बैठकले विभिन्न समसामयिक प्रस्तावहरू पारित गरेको शर्माले बताए । 

प्रदेश कमिटी सचिव शर्माका अनुसार बैठकमा पार्टीका नेताहरू ज्ञवाली, पुन, भुसाल तथा प्रदेश कमिटीका सहइन्चार्ज कुलप्रसाद केसीले सम्बोधन गर्दै प्रधानमन्त्रीले चालेको असंवैधानिक कदमबारे तथा संघर्षका कार्यक्रमबारे धारणा राखेका थिए । उनीहरूले पार्टीको कार्यक्रम जनतामाझ पु¥याउनुपर्नेमा जोडसमेत दिएका थिए । 

संघर्ष समितिका संयोजक गैरेका अनुसार संघर्षको कार्यक्रम जिल्ला–जिल्ला हँुदै तल्लो तहसम्म पु¥याउन तल्लो तहसम्म संघर्ष समितिहरू गठन गरिनेछ । जनपरिचालनसहितका शान्तिपूर्ण प्रदर्शनहरू गरिने र प्रदर्शनमा आमजनसमुदायको सहभागिता बढाउन युवा विद्यार्थीदेखि विभिन्न वर्गलाई परिचालित गरिनेछ । आमबुद्धिजीवी, पेसाकर्मीहरूको साझा संघर्षका कार्यक्रम पनि अगाडि बढ्ने उनले बताए । ओलीको कदमविरुद्ध उभिएका दलहरू गोलबद्ध हुँदै साझा कार्यक्रम अगाडि बढाइने पनि गैरेले बताए । 

ad
ad
ad
ad