- वि.सं २o७७ कार्तिक ८ शनिबार
कोरोना संक्रमणबाट पछिल्लो २४ घन्टामा देशभर थप १३ जनाको निधन भएको छ ।
योसमेत हालसम्म देशभर संक्रमणबाट निधन हुनेको संख्या आठ सय ४२ पुगेको स्वास्थ्य तथा जनसंख्या मन्त्रालयले जनाएको छ ।
यो अवधिमा देशभर २२ सय २५ जना नयाँ संक्रमित थपिएको र २८ सय ४६ जना संक्रमित निको भएर डिस्चार्ज भएका छन् ।
हाल सक्रिय संक्रमित भने ४६ हजार ५७ जना छन् ।
संक्रमितमध्ये तीन सय सातजनाको आइसियू र ७० जनाको भेन्टिलेटरमा उपचार भइरहेको मन्त्रालयले जनाएको छ ।
