बाँकेमा थप एक काेराेना संक्रमितको निधन

Read Time : < 1 मिनेट

नयाँ पत्रिका, बाँके

नयाँ पत्रिका

२o८१ जेठ १ मंगलबार ११:o४:oo

बाँकेमा थप एक कोरोना संक्रमितको निधन भएको छ ।

नेपालगन्जस्थित भेरी अस्पतालमा उपचाररत कोरोना संक्रमितको शुक्रबार राति निधन भएको हो ।

नेपालगन्ज उपमहानगरपालिका– १ का ५० वर्षीय पुरुषको उपचारको क्रममा निधन भएको जिल्ला स्वास्थ्य कार्यालयका कोरोना स्रोतव्यक्ति नरेश श्रेष्ठले जानकारी दिए ।

श्वास–प्रश्वासमा समस्या देखिएपछि ती पुरुषलाई २६ असोजमा अस्पताल भर्ना गरिएको थियो । भर्ना गरेलगत्तै उनमा कोरोना पुष्टि भएको श्रेष्ठले बताए ।

रोगको प्रकृतिअनुसार गरिनुपर्ने प्लाजामा थेरापीलगायत सबै प्रकारको उपचार गर्दै गर्दा ती पुरुषको अति सघन कक्षमै मृत्यु भएको अस्पतालले जनाएको छ । राससका अनुसार नेपाली सेना र परिवारबीच शवको व्यवस्थापन गर्नेबारे समन्वय भइरहेको प्रमुख जिल्ला अधिकारी रामबहादुर कुरुम्बाङले जानकारी दिए । योसँगै बाँकेमा कोरोनाबाट निधन हुनेको संख्या ३० पुगेको छ ।

#काेराेना # निधन # मृत्यु