- वि.सं २o७७ असोज १९ सोमबार
कोरोना संक्रमणबाट विगत २४ घन्टामा थप १९ जनाको निधन भएको छ । संक्रमणबाट १४ पुरुष र पाँचजना महिलाकाे निधन भएकाे हाे ।
कोरोनाबाट एकैदिन निधन भएको यो संख्या अहिलेसम्मकै सबैभन्दा बढी हो ।
योसमेत देशभर हालसम्म कोरोना संक्रमणबाट निधन हुनेको संख्या पाँच सय ५४ पुगेको स्वास्थ्य तथा जनसंख्या मन्त्रालयले जनाएको छ ।
निधन हुनेमा काठमाडौंका तीन महिला र ६ जना पुरुष गरी नौजना रहेका छन् ।
ललितपुरमा तीन वर्षीय बालकसहित तीनजना पुरुषको संक्रमणबाट निधन भएको छ ।
उपत्यकामा मात्र १२ जनाको निधन भएको मन्त्रालयले जनाएको छ ।
त्यसैगरी सर्लाहीका दुई पुरुष, सुनसरी, चितवन र नवलपरासीपूर्वका एक–एक पुरुषको निधन भएको हो ।
पर्सा र गोरखाका एक–एक महिलाको निधन भएको मन्त्रालयका प्रवक्ता डा. जागेश्वर गौतमले बताए ।
