Englishमुख्य समाचारसमाचारदृष्टिकोणफ्रन्ट पेजअर्थअन्तर्वार्तामल्टिमिडियाखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकस्वास्थ्य र जीवनशैलीफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०प्रदेशटर्निङ प्वाइन्ट्स-२०१९ब्लग
  • वि.सं २०७७ कार्तिक ५ बुधबार
  • Wednesday, 21 October, 2020
ad
२०७७ असोज ४ आइतबार २१:३२:००
मुख्य समाचार डिजिटल संस्करण

अफताब आलमको मुद्दामा सर्वोच्चले मगायो कैफियत प्रतिवेदन

२०७७ असोज ४ आइतबार २१:३२:००

सर्वोच्च अदालतले निलम्बित सांसद तथा पूर्वमन्त्री अफताब आलमको मुद्दामा  कैफियत प्रतिवेदन मगाउने आदेश दिएको छ ।  गत बिहीबार उनले सर्वोच्चमा धरौटीमा बसेर मुद्दा पुर्पक्ष गर्न पाउने मागसहित निवेदन दिएका थिए । 

सो मुद्दामा हालसम्म भएको घटनाक्रमको विवरण अर्थात् कैफियत प्रतिवेदन माग भएको हो । न्यायाधीश मनोजकुमार शर्माको इजलासले उच्च अदालत वीरगन्जबाट प्रतिवेदन झिकाउने आदेश दिएको हो ।  

उनीमाथि जिल्ला सरकारी वकिलको कार्यालय रौतहटले विस्फाेटक पदार्थ बमसमेतको प्रयोग गरी ज्यान मार्ने उद्योग तथा कर्तव्य ज्यानसम्बन्धी कसुर गरेको आरोपमा मुद्दा दायर गरेको थियो । जसमा गत वर्ष कात्तिक २९ मा साता भरको थुनछेक बहसपछि जिल्ला न्यायाधीश दीपक ढकालको इजलासले उनलाई पुर्पक्षका लागि थुनामा पठाउने आदेश दिएको थियो । 

यसविरुद्ध उनी उच्च अदालत जनकपुरको वीरगन्ज इजलास पुगेका थिए । उच्चले पनि जिल्लाकै आदेश सदर भएपछि उनी धरौटीमा बसेर मुद्दाको पुर्पक्ष गर्नुपर्ने मागसहित सर्वोच्च पुगेका हुन् । उनले भदौ ३१ म सर्वोच्चमा यसविरुद्ध निवेदन दिएका थिए । 

कांग्रेस नेता तथा मन्त्रीसमेत भइसकेका आलममाथि ०६४ सालमा रौतहटमा निर्वाचनको समयमा विस्फाेट गराएको र घाइतेहरूलाई जिउँदै जलाएको अभियोग छ । यस आरोपमा उनी गत वर्ष असोजमा पक्राउ परेका थिए । चुनावको अघिल्लो दिन बम विस्फाेट गराएर बुथ कब्जा गर्ने उद्देश्यले बम बनाएको र बनाउने क्रममा नै विस्फाेट भएपछि केहीको मृत्यु भएको थियो । मृत्यु भएका तथा घाइते भएकालाई उनले इँटाभट्टामा जलाएको प्रहरी अनुसन्धानमा खुलेको थियो ।