Read Time : < 1 मिनेट
२०७७ भदौ ३० मंगलबार १६:४१:००
२४ घन्टाभित्र देशभर थप ११ जना कोरोना संक्रमितको निधन भएको छ ।
स्वास्थ्य तथा जनसंख्या मन्त्रालयका अनुसार सात पुरुष र चार महिलाको कोरोना संक्रमणका कारण मृत्यु भएको हो ।
मृत्यु हुनेमा काठमाडौंमा एक महिला र तीन पुरुष, बाराका एक महिला र एक पुरुष, सिराहा र रुपन्देहीमा एक–एक महिला, सर्लाही, मकवानपुर र कपिलवस्तुमा एक–एक पुरुषको मृत्यु भएको मन्त्रालयले जनाएको छ ।
योसमेत देशभर संक्रमणबाट मृत्यु हुनेको संख्या तीन सय ७१ पुगेको मन्त्रालयका प्रवक्ता डा. जागेश्वर गौतमले बताए ।