टी–२० स्मास क्रिकेट प्रतियोगिताकाे सुरुवाति खेलमा नेपाल विजयी
शनिबारदेखि थाइल्याण्डमा सुरु भएको महिला टी–२० स्मास क्रिकेट प्रतियोगितामा नेपालले चीनलार्इ पराजित गर्दै विजयी सुरुवात गरेको छ । थाइल्याण्डको एशिया इन्स्टिच्यूट अफ टेक्नोलोजी मैदानमा भएको खेलमा नेपालले चीनलाई १० विकेटले पराजित हो । खेलमा नेपालले टस जित्दै फिल्डिङ राेजेकाे थियाे ।
चीनले दिएको ४९ रनको झिनो लक्ष्य नेपालले ८.४ अाेभरमा बिना क्षति पुरा गर्याे । नेपालका लागि सीता रानामगरले २३ रन र काजल श्रेष्ठले १४ रन जोडिन् । टस हारेर पहिले ब्याटिङ गरेको चीनले निर्धारित २० ओभरमा ६ विकेटकाे क्षतिमा जम्मा ४८ रन बनाएको थियो ।
चीनलाई सस्तैमा अाउट गर्न नेपालकी नेरी थापाले २ विकेट र करुणा भण्डारीले ३ विकेट लिइन् । करुणाले ४ ओभर बलिङ गर्ने क्रममा ९ रन खर्चेर ३ विकेट लिइन् ।
जितसँगै समूह ‘ए’ मा रहेको नेपालले दुई अङ्क जोडेको छ । प्रतियाेगितामा नेपालले दोस्रो मलेसियासँग आइतबार खेल्नेछ ।