- वि.सं २०८१ बैशाख १४ शुक्रबार
फिल्म साइनो २४ साउनदेखि देशभर प्रदर्शनमा आएको छ । फिल्मलाई आस्था कला केन्द्रका संस्थापक रमेश थापाले निर्देशन गरेका हुन् । साइनो नेपाली मौलिक फिल्म बनाएको दाबी रमेशको छ ।
२० वर्षदेखि आस्था
कला केन्द्रमा अभिनय सिकाउँदै आएका रमेशले साइनो आफ्नो डेब्यु फिल्म भए पनि दर्शकले मन पराउने विश्वास व्यक्त गरे । उनले भने, ‘आफू नयाँ भए पनि फिल्ममा परिपक्वता दिने कोसिस गरेको छु ।’
काठमाडौंमा आयोजित एक कार्यक्रममा निर्देशक रमेशले साइनोले पुराना र नयाँ कलाकारलाई एउटा जमघट गराएको बताए । ‘नयाँलाई समेट्दै पुरानालाई सम्मान गर्दै काम गरेको छु,’ उनले भने, ‘साइनोमा हामीले सबैलाई समेटेका छौँ । यसकारण पनि साइनो सबैको प्रिय हुन सक्छ ।’
फिल्मलाई प्रथम नायिका भुवन चन्दले निर्माण गरेकी हुन् । जसमा नायिका मरुना मगर, नीता ढुंगाना, डेब्यु नायक राजकुमार, भुवन चन्द, राजाराजेन्द्र पोखरेललगायत कलाकारको अभिनय छ ।
