नेकपा (एमाले)को ‘निर्वाचन समीक्षा तथा पार्टी पुनर्गठन कार्यदल’को बैठकमा उपाध्यक्ष रामबहादुर थापा ‘बादल’ र महासचिव शंकर पोखरेलका दुई छुट्टाछुट्टै प्रतिवेदन पेस भएका छन् ।
बैठकले आज प्रस्तुत भएका प्रतिवेदनको अध्ययन गर्ने र भोलिदेखि आवासीय रूपमा बसेर थप छलफल गरी एउटै प्रतिवेदन तयार गर्ने निर्णय गरेको छ। सोही निर्णयसहित आजको बैठक सम्पन्न भएको एमालेले जनाएको छ ।
बादलले निर्वाचन हार्नुमा अध्यक्ष केपी ओलीको गल्ती नभएको प्रतिवेदन बनाएका छन् भने महासचिव पोखरेलको प्रतिवेदनमा ओली मुख्य जिम्मेवार रहेको उल्लेख छ ।
