- वि.सं २o८१ चैत २१ बिहीबार
म्यानमारमा गएको शक्तिशाली भूकम्पमा परी मृत्यु हुनेको संख्या तीन हजार नाघेको जुन्ता सरकारले बिहीबार जनाएको छ ।
६ दिन पहिले गएकाे ७.७ म्याग्निच्युडको भूकम्पका कारण अहिलेसम्म मृत्यु हुनेको संख्या तीन हजार ८५ पुगेको पुष्टि भएको र ३४१ जना अझै बेपत्ता रहेको र चार हजार ७१५ जना घाइते भएको जुन्ता सरकारका प्रवक्ताले जारी गरेको विज्ञप्तिमा उल्लेख छ ।
भूकम्पका कारण भएको क्षतिमा राहत तथा उद्धारका लागि १७ देशबाट करिब एक हजार टन राहत तथा अन्य सामग्रीसहित सयौँको संख्यामा उद्धार तथा सहायताकर्मी आइपुगेको जाउ मिन तुनले बताए ।
उनले भने, ‘हामीले खोजी र उद्धारकार्यलाई निरन्तरता दिइरहेका छौँ, साथै हामी अन्तर्राष्ट्रिय समुदाय र मेडिकल टोलीको कडा परिश्रमप्रति विशेष कृतज्ञता व्यक्त गर्न चाहन्छौँ ।’
