- वि.सं २o८१ माघ २२ मंगलबार
सोमबार बसेको मन्त्रिपरिषद् बैठकका १८ वटा निर्णयहरू सार्वजनिक गरिएको छ। सञ्चार तथा सूचना प्रविधिमन्त्री पृथ्वीसुब्बा गुरुङले मंगलबार पत्रकार सम्मेलन गरी निर्णय सार्वजनिक गरेका हुन्।
बैठकले दुई मन्त्रीको विदेश भ्रमण स्वीकृत गर्नुका साथै ६ वटा नियमावली संशोधन गरेकाे छ ।
यस्ता छन् निर्णयहरू:
१. नेपाल–भारतीसीमादेखि भारतको मुजफ्फुरपुरसम्म प्रसारण लाइन निर्माणका लागि स्थापित क्रस बोर्डर पावर ट्रान्समिसन कम्पनीको नेपाल विद्युत् प्राधिकरणको हिस्सामा पर्ने २९ लाख ७३ हजार एक सय ६३ कित्ता संस्थापक सेयर खरिद गर्न विद्युत् प्राधिकरणलाई स्वीकृति दिने
२. काठमाडौं उपत्यका मुकाम रहने गरी काठमाडौं, ललितपुर र भक्तपुर जिल्लाभित्रका सम्बन्धित मुद्दाको किनारा गर्ने क्षेत्राधिकारसहित उपभोक्ता अदालत गठन गर्ने
३. राष्ट्रिय निर्देशन ऐन, २०१८ को दफा ३ बमोजिमको कार्य गृह मन्त्रालयका सचिवबाट सम्पादन गर्ने गरी अधिकार प्रत्यायोजन गर्ने
४. २०८१ फागुन ६ देखि ८ गतेसम्म मोरक्कोमा हुने ‘फोर्थ ग्लोबल मिनिस्टिल कन्फरेन्स अन रोड सेफ्टी’ विषयक कार्यक्रममा सहभागी हुन भौतिक पूर्वाधार तथा यातायातमन्त्री देवेन्द्र दाहाललाई सहभागी हुन स्वीकृति दिने
५. बाल सुधारगृह भक्तपुर, मोरङ, कास्की बाँकेको सञ्चालन र व्यवस्थापनको लागि महिला, बालबालिकाा तथा जेष्ठ नागरिक मन्त्रालय र न्यूनतम सुविधाविहीन बालबालिकाको लागि शैक्षिक कार्यक्रमबिच भएको सम्झौताको अवधि २०८२ साल असार मसान्तसम्मको लागि थप गर्ने
६. सैनामैना नगरपालिका रुपन्देहीलाई सैनामैना फोहोर व्यवस्थापन केन्द्र निर्माणका लागि रुपन्देही जिल्लाको सैनामैना नगरपालिका वडा नम्बर १० मा रहेको राष्ट्रिय वनको ३.५ हेक्टर जग्गा प्रयोग गर्न स्वीकृति प्रदान गर्ने
७. २०८२ जेठ २, ३ र ४ गते ‘क्लाइमेट चेन्ज, माउन्टेन्स् एन्ड फ्युचर अफ ह्युमानिटी’ विषयमा काठमाडौंमा ‘सगरमाथा संवाद’ आयोजना गर्ने
८. भेरी पम्पिङ उपआयोजना निर्माणका लागि सुर्खेत जिल्लाको वीरेन्द्रनगर नगरपालिका वडा नम्बर ८, ११ र १२ तथा लेखबेँसी नगरपालिका वडा नम्बर १० मा रहेको राष्ट्रिय वनको ३.२ हेक्टर जग्गा प्रयोग गर्न स्वीकृति प्रदान गर्ने
९. २०८१ माघ २९ देखि फागुन १ गतेसम्म संयुक्त अरब इमिरेट्सको दुबईमा आयोजना हुने दी वल्ड गर्भमेन्ट समिट २०२५ मा भाग लिन श्रम, रोजगार तथा सामाजिक सुरक्षामन्त्री शरदसिंह भण्डारीलाई स्वीकृति प्रदान गर्ने
१०. वीरगन्जको पोखरिया, कपिलवस्तुको बोडगाउँ र जुम्लाको नराकोटा सिँजामा नयाँ मालपोत तथा नापी कार्यालय स्थापना गर्न संगठन संरचना दरबन्दी तेरिज स्वीकृति दिने
११. सहरी विकास मन्त्रालयअन्तर्गत सञ्चालन हुने कार्यक्रमका लागि आर्थिक वर्ष ०८१-८२ का लागि अधिकृतस्तरका थप १० वटा अस्थायी दरबन्दी स्वीकृत गर्ने
१२. विश्वविद्यालय अनुदान आयोग आर्थिक कार्यविधि-नियमावली २०८१ स्वीकृत गर्ने
१३. आन्तरिक नियन्त्रण प्रणाली दिग्दर्शन २०८१ स्वीकृत गर्ने
१४. सार्वजनिक खर्चलाई मितव्ययी र प्रभावकारी बनाउनेसम्बन्धी मापदण्ड २०८१ स्वीकृत गर्ने
१५. नेपाल सरकार कार्यसम्पादन आठौँ संशोधन नियमावली २०८१ स्वीकृत गर्ने
१६. सुशासन, व्यवस्थापन तथा सञ्चालन तेस्रो संशोधन नियमावली २०८१ स्वीकृत गर्ने
१७. विशेष आर्थिक क्षेत्र दोस्रो संशोधन नियमावली २०८१ स्वीकृत गर्ने
१८. बढुवा समितिको सिफारिसबमोजिम निजामती सेवाका विभिन्न सेवा समूह तथा उपसमूह राजपत्रांकित द्वितीय श्रेणीका सातजना अधिकृतहरूलाई सम्बन्धि सेवा, समूह तथा उपसमूहको राजपत्रांकित प्रथम श्रेणीको सहसचिव वा सोसरहको पदमा बढुवा नियुक्ति गरी पदस्थापन गर्ने ।
