Skip This
स्वावलम्बन लघुवित्तको नाफा ९४.२१ प्रतिशतले बढेको छ । लघुवित्तले प्रकाशित गरेको चालू आर्थिक वर्षको दोस्रो त्रैमाससम्मको वित्तीय विवरणअनुसार नाफा ९४.२१ प्रतिशतले बढेको हो ।
यस अवधिमा लघुवित्तले आठ करोड सात लाख रुपैयाँ नाफा आर्जन गरेको छ । जबकि गत आवको सोही अवधिमा लघुवित्तले चार करोड १५ लाख रुपैयाँ नाफा आर्जन गरेको थियो ।
लघुवित्तको अपरिष्कृत वित्तीय विवरणमा पुस मसान्तसम्म सञ्चालन आम्दानीसहित ब्याज आम्दानी पनि बढेको उल्लेख छ । लघुवित्तले गत आवको दोस्रो त्रैमाससम्म ८५ करोड ५६ लाख रुपैयाँ सञ्चालन आम्दानी गरेका यस अवधिमा ९४ करोड ३७ लाख ५० हजार रुपैयाँ कमाएको वित्तीय विवरणमा उल्लेख छ ।
त्यसैगरी, लघुवित्तले खुद ब्याजबापत ८० करोड रुपैयाँ कमाएको छ । यो गत आवको तुलनामा २०.०२ प्रतिशतले बढी हो । गत आवको सोही अवधिमा लघुवित्तले ६६ करोड ६६ लाख रुपैयाँ ब्याज आम्दानी गरेको थियो । साथै, लघुवित्तको सञ्चालन नाफा पनि बढेको छ । गत आवमा पाँच करोड ९३ लाख रुपैयाँ सञ्चालन नाफा गरेको लघुवित्तले पुस मसान्तसम्म भने ११ करोड ५२ लाख रुपैयाँ आर्जन गर्न सफल भएको छ । यो गत आवको सोही अवधिको तुलनामा ९४.०७ प्रतिशतले बढी हो । त्यसैगरी, वितरणयोग्य मुनाफा भने १० करोड १७ लाख रुपैयाँ छ ।
एक अर्ब ६५ करोड ६६ लाख चुक्ता पुँजी रहेको लघुवित्तको जगेडा कोषमा एक अर्ब ७२ करोड ६८ लाख रुपैयाँ सञ्चित रहेको छ । त्यस्तै, १४ अर्ब ८९ करोड ५० लाख रुपैयाँ निक्षेप संकलन गरेको लघुवित्तले १९ अर्ब ४८ करोड ६२ लाख रुपैयाँ कर्जा प्रवाह गरेको छ । समीक्षा अवधिमा लघुवित्तको प्रतिसेयर आम्दानी ९.७७ रुपैयाँ, प्रतिसेयर नेटवर्थ २१०.४३ रुपैयाँ र खराब कर्जा अनुपात ८.२८ प्रतिशत छ ।
