स्वास्थ्य र जीवनशैली प्रिन्ट संस्करण

माघ ५ देखि ११ गते सम्मको साप्ताहिक राशिफल

ज्योतिष तथा वास्तुविद् सुरेशचन्द्र रिजालले तयार पारेको माघ ५ गते शनिबारदेखि ११ गते शुक्रबारसम्मको साप्ताहिक राशिफल पढ्नुहोस् 

मेष : चु,चे,चो,ला,लि,लिु,ले,लो,अ

बौद्धिक, साहित्यिक र सिर्जनात्मक क्षेत्रमा समय दिन नसक्नाले फाइदा अरुकै हातमा पर्ने योग देखिएको छ। एक्लोपना र निराशाले सताउने छ । सृजनात्मक क्षमतामा कमी भए झैं लाग्नेछ । परोपकार सामाजिक क्षेत्रका काममा लागिपरेमा मनमा खुसियाली छाउने छ । साताको अन्त्यमा  कुनै नयाँ योजना कार्यान्वयन गर्न कठिनाइ हुनेछ । धार्मिक कार्यमा सहभागिता हुने अवसर प्राप्तिको योग रहेको छ ।

वृष : इ, उ, ए, ओ, बा, बि, बु, बे, बो

समय उत्साहवर्धक रहला। आम्दानी बढ्ने र उठ्नुपर्ने रकम हातलागी हुने समय छ। पितृधनको सहायताले महत्वपूर्ण काम बन्ने योग देखिएको छ । नयाँ ज्ञान प्राप्त हुने योग छ। कृषि तथा पशुपालनमा भने सोचेको लाभ अलि नहोला। तापनि व्यापारमा प्रशस्त फाइदा हुने समय छ । साताको अन्त्यमा  श्रमको उचित मूल्यांंकन हुनेछ। पढाइमा पनि राम्रै प्रगति हुनेछ । रोकिएका काम बन्ने र नयाँ काम पाइने योग छ। पारिवारिक धार्मिक भ्रमणको अवसर प्राप्त हुनेछ । 

मिथुन : (का, कि, कु, घ, ङ, छ, के, को, ह

साताको प्रारम्भमा दाजुभाइ र बन्धुबान्धवको सल्लाहले रोकिएका कामहरू बन्नेछन् । धार्मिक र सामाजिक काममा समय बित्नेछ । आध्यात्मिक भावनाको विकास हुनेछ । दिनदुखीलाई दिएको सानो सहयोगले रोकिएको काम बन्न सक्छ ।बुधबारदेखि पशुपालक र दुग्धव्यवसायमा संलग्नहरूले मनग्ये लाभ प्राप्त गर्नेछन् । जग्गा जमिनको कारोबार गर्दा फाइदा पुग्ने देखिन्छ । साताको अन्त्यमा धार्मिक भ्रमणको अवसर मिल्नेछ । घरमा मांगलिक कार्यहरु खुल्नेछन् ।

कर्कट : हि, हु, हे, हो, डा, डि, डु, डे, डो

साताको प्रारम्भमा केही मात्रामा खर्च बढ्नेछ। आलस्यता जाग्नेछ । काममा लगानीको वातावरण मिल्दै आउनेछ। आफ्नै कमजोरीले विवादमा परिने योग छ, सचेत रहनुहोस् । धैर्यले काम लिने समय छ। बिहिवार छर–छिमेकमा केही असमझदारी बढ्न सक्छ सचेत रहनुपर्ने छ । साताको अन्त्यमा  प्रतिस्पर्धाबाट फाइदा उठाउन सकिनेछ। वैदेशिक क्षेत्रबाट लाभ लिने मौका छ । स्थानान्तरण र टाढाको यात्रा सम्भावना छ । नयाँ कार्यको थालनी हुने छ । 

सिंह : मा, मि, मु, मे, मो, टा, टि, टु, टे

साताको प्रारम्भमा गरिएको तपाईंको निर्णयले सार्थक हुनेछ । मित्रवर्गबाट सोचेजस्तो साथ र सहयोग प्राप्त हुनेछ । प्रतियोगितात्मक क्रियाकलापबाट लाभ मिल्नेछ । आम्दानीमा कमी आउने छैन, मनमा कताकता केही कमी भएझैं लागे पनि समग्रमा साताको अन्त्यबाट तपाईंका लागि लाभकारी नै हुनेछ । कुनै नयाँ काममा मन जानेछ । घरपरिवारबाट पूर्णरूपमा साथ र सहयोग प्राप्त हुने योग रहेको छ ।  

कन्या : टो, प, पि, पु, ष, ण, ठ, पे, पो

साताको प्रारम्भमा ठूला आशा र महत्त्वाकांक्षा त्यागी अघि बढ्नु श्रेयस्कर हुनेछ । तपाईंले आँफूले गरेका प्रयास र उद्यममा निराशा भोग्नुपर्ने छ । परिवारको कुनै सदस्यको स्वास्थ्यसम्बद्ध चिन्ता भैरहने देखिन्छ । अनावश्यक यात्राबाट जोगिनु राम्रो हुनेछ, किनभने भ्रमण, पर्यटन र मनोरञ्जनात्मक क्रियाकलापमा खर्च बढ्ने योग रहेको छ । आफ्नोतर्फबाट गर्नुपर्ने काम जिम्मेवारीपूर्वक पुरा हुने छ ।धार्मिक भ्रमणको अवसर मिल्ने छ । 

तुला : र, रि, रु, रे, रो, ता, ति, तु, ते

साताको प्रारम्भमा व्यापार तथा उद्योगतर्फ फाइदाको योग छ। अधिकारका लागि भने अलि संघर्ष गर्नुपर्ला। शत्रु तथा प्रतिस्पर्धीहरूको चलखेल बढ्नाले केही चुनौती सामना गर्नुपर्ने देखिन्छ। तापनि, प्रयत्न गर्दा मौकाको फाइदा लिन सकिनेछ। यात्रामा विशेष लाभ होला। शत्रु र रोगबाट छुटकारा मिल्ने समय छ। मुद्दा–मामिलामा पनि विजयी भइनेछ। सरकार र राज्यपक्षबाट लाभ प्राप्त हुनेछ । अध्ययन अध्यापन सफल रहेको छ ।

वृश्चिक : ना, नि, नु, ने, नो, या, यि, यु

सहयोगीहरूले राम्रो साथ दिनेछन्। रोकिएका काम बन्ने र नयाँ काम सुरु गर्ने समय छ। उद्योग र व्यापारमा विशेष फाइदा हुनेछ। गरिएका कर्मको उचित प्रतिफल पाइनेछ। कृषि–चौपायामा भने अलि कममात्र फाइदा होला। घरपरिवारबाट भरमग्दुर सहयोग प्राप्त हुने छ । साताको अन्त्यमा सरकारी जागिरेका लागि उपयुक्त समय आएको छ, प्रशंसा, बढुवा वा जिम्मेवारी मिल्ने देखिन्छ । कुनै अप्रत्याशित काममा कसैलाई सहयोग गर्नुपर्ने योग रहेको छ । 

धनु : ये, यो, भ, भि, भु, ध, फा, ढ, भे

 साताको प्रारम्भमा पराक्रम र उत्साह बढ्नेछ । उद्योग र व्यापारमा विशेष फाइदाको योग छ। प्रतिस्पर्धी परास्त होलान् । आम्दानी बढ्नेछ। सहयोगीहरूले साथ दिनेछन् र काममा सोचेजस्तै सफलता मिल्नेछ । बुधबारदेखि कृषिकर्म र व्यावसायिक काममा भने केही चुनौती सामना गर्नपर्ला । साताको अन्त्यमा नयाँ काममा हात हाल्ने समय छ। प्रशस्त धन आर्जन र संग्रह गर्ने मौका छ । नयाँ जिम्मेवारी वहन गर्ने  अवसर प्राप्तिको योग रहेको छ  ।

मकर : भो, ज, जि, खि, खु, खे, खो, गा, गि

प्रतिष्ठित काम गर्ने मौका छ। आत्म–विश्वास बढ्नेछ। विशिष्ट व्यक्तित्वसँग भेटघाट हुनेछ। पारिवारिक जमघटमा मन रमाउनेछ। मन पर्ने वस्त्र, अलंकार आदि उपहार पाइने योग छ। स्वादिष्ट भोजनको आनन्द समेत पाइएला। साताको अन्त्यमा लामो दूरीको यात्रामा ननिस्कनु राम्रो हुन्छ । परिवारका सदस्य अस्वस्थ हुनसक्छन् विशेष सावधानी अपनाउनुपर्ने देखिन्छ । नयाँ कामको जिम्मेवारी प्राप्तिको योग रहेको छ ।

कुम्भ : गु, गे, गो, सा, सि, सु, से, सो, द

साताको प्रारम्भमा  निर्णय क्षमताको प्रशंसा हुनेछ । दाम्पत्य जीवन असल हुनेछ वा अविवाहित हुनुहुन्छ भने कसैले नयाँ सम्बन्धको प्रस्ताव राख्न सक्छ । छलफल, वादविवाद र झैझगडामा आफ्नो जित हुनेछ । उपहार, चिट्ठा, पुरस्कार आदिबाट आकस्मिक धनप्राप्तिको सम्भावना छ । साताको अन्त्यमा वैदेशिक यात्राको योग रहेकोले कार्य सफलताको योग रहेको छ । परिवारसँग भेटघाटको अवसर मिल्ने छ। नयाँ कामको थालनी हुने छ ।

मीन : दि, दु, थ, झ, ञ, दे, दो, च, चि

साताको प्रारम्भमा आफुलाई प्रतिष्ठा प्राप्त हुनेछ र बन्धुवान्धव र साथीभाइले सहयोग पुर्याउने छन् । पुरानो र बिर्सिसकेको साथीसँग भेट हुने सम्भावना छ । उसको व्यवहारले तपाई प्रभावित बन्नु हुनेछ । बुधबारदेखि  पुख्र्यौली सम्पत्तिको विवादलाई निराकरण गर्ने दिन हो । समाधानको बाटो पहिल्याउनुस्, सफलता हात पर्नेछ । साताको अन्त्यमा वैदेशिक क्षेत्रबाट भने सामान्य लाभ लिन सकिनेछ। स्थानान्तरण र टाढाको यात्रा पनि सम्भावना छ।