- वि.सं २o८१ पौष २६ शुक्रबार
बार्सिलोना स्पेनिस सुपर कपको फाइनल प्रवेश गरेको छ । बार्सिलोनाले एट्लेटिक क्लबविरुद्ध २–० को सहज जित निकाल्यो । साउदी अरेबियाको किङ अब्दुल्लाह स्पोर्टस् सिटीमा बार्सिलोनालाई जित दिलाउन युवा खेलाडीद्वय गाभी र लामिन यामलले गोल गरेका थिए ।
एलेजान्द्रो बाल्डेको पासमा खेलको १७औँ मिनेटमा गाभीको गोलमार्फत बार्सिलोनाले अग्रता लिएको थियो । गाभीले नै मिलाएको पासमा यामलले ५२औँ मिनेटमा गोल गरेका हुन् ।
