- वि.सं २o८१ कार्तिक २३ शुक्रबार
नेकपा एमाले रेसुंगा नगर कमिटीको दोस्रो अधिवेशनले राजेन्द्र पाण्डेयको अध्यक्षतामा नयाँ नेतृत्व चयन गरेको छ । नगर कमिटीको भेलाले अध्यक्षमा पाण्डेयसहित उपाध्यक्षमा देवीराम खनाल, सचिवमा देवीराम पाण्डे र उपसचिवमा टोपबहादुर थापा र मिठु बोहरालाई निर्वाचित गरेको छ ।
त्यस्तै, अधिवेशनले लेखा समिति संयोजकमा मणिरत्न भण्डारीलाई निर्वाचित गरेको छ । अधिवेशनलाई नेकपा एमालेका केन्द्रीय उपमहासचिव प्रदीपकुमार ज्ञवाली र सचिव गोकर्ण विष्टलगायतले सम्बोधन गरेका थिए ।
कुन पालिकामा कसको नेतृत्व ?
नेकपा एमाले गुल्मीका वडा कमिटी, गाउँ तथा नगर कमिटी अधिवेशन धमाधम भइरहेका छन् । धुर्कोटमा लोकबहादुर खत्री, मदानेमा प्रेम केसी, मालिकामा शोभाखर, इस्मामा कलानिधि भण्डारीको नेतृत्वमा कमिटी चयन भएको छ । त्यस्तै, मुसिकोट नगर कमिटी अध्यक्षमा प्रकाश काफ्ले, सत्यवती गाउँकमिटीको अध्यक्षमा युवराज न्यौपाने, चन्द्रकोटमा चन्द्रबहादुर क्षेत्री नवीन, रुरुक्षेत्रमा फर्शुराम ज्ञवाली, छत्रकोट पीताम्बर अर्याल र गुल्मीदरबारमा रामबहादुर पल्लीको अध्यक्षतामा नयाँ नेतृत्च चयन भएको नेकपा एमालेको पार्टी कार्यालय सचिव गणेश श्रेष्ठले जानकारी दिए ।
