रोल्पा जिल्लाको सुनिल स्मृति गाउँपालिका– ४ कागडाँडामा डबलक्याब बोलेरो दुर्घटना भएको छ। लु.३च १६५६ नम्बरको बालेरो बुधबार बिहान ५ बजेतिर दुर्घटना हुँदा दुईदिने शिशुको मृत्यु भएको छ।
रोल्पाको लुङ्ग्री गाउँपालिका– १ छिउधरनिवासी अमृत रोकाको दुईदिने छोराको मृत्यु भएको जिल्ला प्रहरी कार्यालय रोल्पाले जनाएको छ। प्रहरीका अनुसार प्युठान अस्पतालमा सुत्केरी भएकी श्रीमती र बच्चासहित अमृत रोका घर फर्किने क्रममा बोलेरो दुर्घटनामा परेको हो।
दुर्घटनामा गम्भीर घाइते भएका शिशुको सुलीचौर प्राथमिक स्वास्थ्य केन्द्रमा उपचारका क्रममा मृत्यु भएको जिल्ला प्रहरी कार्यालय रोल्पाले जनाएको छ।