- वि.सं २o८१ असार १० सोमबार
पूर्वी नवलपरासीमा गोहीको आक्रमणबाट एकजनाको निधन भएको छ।
आज बिहान ९ बजेतिर नवलपुरको मध्यविन्दु नगरपालिका- २ सेहेरीमा नारायणी नदीकिनारमा नुहाउन गएका ७२ वर्षीय मिलबहादुर थारूको गोहीको आक्रमणबाट निधन भएको हो।
जिल्ला प्रहरी कार्यालय नवलपुरका प्रहरी नायब उपरीक्षक वेदबहादुर पौडेलका अनुसार थारूले नुहाउने क्रममा गोहीले तानी नदीमा लगेको र डुबेको अवस्थामा उद्दार गरिएको थियो।
स्थानीय र प्रहरीको टोलीले उद्धार गरी हेर्दा मृत अवस्थामा भेटिएको प्रहरीले जनाएको छ।
उनको शरीरको खुट्टाको भाग गोहीले खाएको अवस्थामा फेला परेको छ।
उक्त गोहीलाई चितवन राष्ट्रिय निकुञ्जबाट आएको टोलीले उद्धार गरी लगेको थियो।
