१७औँ वार्षिकोत्सव विशेषांकफ्रन्ट पेजमुख्य समाचारसमाचारदृष्टिकोणअर्थअन्तर्वार्ताखेलकुदविश्वफिचरप्रदेशपालिका अपडेट
  • वि.सं २o८१ जेठ ११ शुक्रबार
  • Thursday, 20 June, 2024
२o८१ जेठ ११ शुक्रबार o८:५९:oo
Read Time : < 1 मिनेट
ad
ad
ad
ad
मुख्य समाचार डिजिटल संस्करण

सीता एयरले ठक्कर दिँदा घाइते भएका स्टेसन प्रमुखको बी एन्ड बी अस्पतालमा उपचार हुँदै 

Read Time : < 1 मिनेट
नयाँ पत्रिका
२o८१ जेठ ११ शुक्रबार o८:५९:oo

मुगुस्थित रारा विमानस्थलमा बिहीबार जहाजको पंखाले छुँदा घाइते भएका सीता एयरका मुगु स्टेसन प्रमुख धीरेन्द्र भामको ललितपुरको ग्वार्खोस्थित बी एन्ड बी अस्पतालमा उपचार भइरहेको छ । घाइते भएपछि अचेत अवस्थामा रहेका उनलाई सोही एयरको विमानमार्फत उपचारका लागि नेपालगन्ज लगिए पनि उपचार हुन नसकेपछि थप उपचारका लागि काठमाडौं लगिएको हो । 

जिल्ला प्रहरी कार्यालय मुगुका प्रमुख  प्रहरी नायब उपरीक्षक वीरेन्द्र थापाका अनुसार बिहीबार  बिहान ११:३० बजेतिर रारा विमानस्थलबाट नेपालगन्जका लागि उड्ने तयारीमा रहेको सीता एयरको ट्विनेटर जहाजको दायाँपट्टिको पंखाले भामलाई छोएको थियो । 

भामले चालकलाई जहाज उडान गर्न संकेत गरिरहेका थिए । जहाजको इन्जिन स्टार्ट भइरहेका वेला चालकले बोलाएपछि भाम जहाजको चालक कक्षतर्फ गई चालकसँग कुराकानी गरी फर्कँदै गर्दा  घुम्न सुरु गरेको  पंखाको छेउले  छुँदा उनी घाइते भएका थिए  ।

घाइते भामको पाखुरा, हत्केला, औँलामा पंखाको छेउले काटेको र नेपालगन्ज नर्सिङ होमले रिफर गरेपछि काठमाडौं ल्याई उपचार भइरहेको र अहिले उनी खतरामुक्त अवस्थामा रहेको भनी चिकित्सकहरूले बताएको भामका साला प्रेमराज कार्कीले टेलिफोनमा जनाए ।

ad
ad
ad
ad