- वि.सं २o८o चैत २७ मंगलबार
सिटिजन्स बैंक इन्टरनेसनल लिमिटेडले बालविकास समाजलाई आर्थिक सहयोग गरेको छ । बैंकले १७औँ वार्षिकोत्सवका अवरसरमा अनाथ बालबालिकालाई लालनपालन तथा स्वास्थ्य उपचारका लागि एक लाख ५० हजार आर्थिक सहयोग गरेको हो ।
एक समारोहबीच बैंकले डेढ हजारबराबरको चेक संस्थाका अध्यक्ष सुवास गौतमलाई हस्तान्तरण गरेको जनाएको छ । बालविकास समाजमा रहेका ८० जना बालबालिकामध्ये १५ जना बालबालिकाको शिक्षा तथा स्वास्थ्य उपचारमा उक्त रकम खर्च गर्ने अध्यक्ष गौतमले बताए ।
बैंकले आफ्नो वार्षिक उत्सवको उपलक्ष्यमा सामाजिक रूपान्तरणका लागि कार्य गर्ने संस्थालाई आर्थिक सहयोग उपलब्ध गराउँदै आएको बताइएको छ । यसैको निरन्तरतास्वरूप बैंकले आफ्नो वार्षिक कार्यतालिकाअनुसार उक्त सहयोग रकम हस्तान्तरण गरेको हो ।
बैंकले आगामी दिनमा पनि संस्थागत सामाजिक उतरदायित्व कार्यक्रमअन्तर्गत सामाजिक, आर्थिक, सांस्कृतिक, शैक्षिक आदिजस्ता क्षेत्रमा सकारात्मक परिवर्तन ल्याउन यस्ता कार्यक्रम सञ्चालन गर्ने बताएको छ ।
