- वि.सं २o८१ बैशाख २० बिहीबार
सिटिजन्स बैंक इन्टरनेसनलका ग्राहकले वोन्डर्स नेपाल प्रालिद्वारा सञ्चालित स्काई वाकमा विशेष छुट पाउने भएका छन् । छुटसम्बन्धी सम्झौतापत्रमा दुवै पक्षले हस्ताक्षर गरेका छन् ।
सम्झौताअनुसार बैंकका कार्डवाहक ग्राहकले स्काई वाकको टिकट खरिद गर्दा १० प्रतिशतसम्मको छुट पाउने बताइएको छ । यो सहकार्यबाट बैंकका ग्राहक लाभान्वित हुनुका साथै नगद कारोबारबाट डिजिटल कारोबारतर्फ उत्प्रेरित हुने विश्वास बैंकले लिएको छ ।
बैंकले डिजिटल बैंकिङ माध्यमको प्रयोगलाई बढाउन र ग्राहकलाई डिजिटल माध्यमबाट भुक्तानी गर्न प्रोत्साहन गर्न समय–समयमा ग्राहकमैत्री सुविधा सञ्चालनमा ल्याउँदै आएको बताएको छ ।
