- वि.सं २o८o चैत १५ बिहीबार
इन्डियन प्रिमियर लिग (आइपिएल)मा सनराइजर्स हैदराबादले सर्वाधिक योगफल बनाएको छ । लिगको आठौँ खेलमा हैदराबादले पाँचपटकको विजेता मुम्बई इन्डियन्सविरुद्ध २७७/३ को स्कोर बनाएको हो ।
हैदराबादले सन् २०१३ मा रोयल्स च्यालेन्जर्स बेंग्लोरको २६३/५ को रेकर्ड तोडेको हो । हैदराबादका लागि हेनरिक क्लासनले ३४ बलमा सर्वाधिक ८० रन जोडे । प्रत्युत्तरमा मुम्बईले २० ओभर खेल्दै २४६/५ स्कोर गर्दा हैदराबाद ३१ रनले विजयी भएको छ ।
