नेपाल आयल निगम लिमिटेडले पेट्रोल, डिजेल र मट्टीतेलको मूल्य घटाएको छ । निगमले शुक्रबार सूचना जारी गर्दै मध्यरात १२ बजेपछि लागू हुने गरी मूल्य घटाएको हो ।
पेट्रोलको मूल्य प्रतिलिटर एक रुपैयाँ र डिजेल तथा मट्टीतेलको मूल्य प्रतिलिटर दुई रुपैयाँ घटाइएको छ । इन्डियन आयल कर्पाेरेसनले शुक्रबार पेट्रोलको मूल्य १.२२ र डिजेलको मूल्य २.०६ रुपैयाँले घटाएर नयाँ सूची पठाएको थियो ।
यसअघि पेट्रोल मूल्य वर्गअनुसार प्रतिलिटर १६९.५० देखि १७२ रुपैयाँसम्म थियो । अब भने १६८.५० देखि १७१ रुपैयाँसम्ममा पेट्रोल खरिद–बिक्री हुनेछ ।
See More On
